یاشیل یاز....

یازیرام کوهنه کاغاذلاردا سنی
بوردا هر یئل کی اسیر
سنی مندن آلیری
آپاریر بلکه اوزاقلاردا ایتیرسین آمما
داغلاری چن بورویوب
... سنی یئل لردن آلیر
گتیریر شهریمیزه
بولوتا تاپشیریری
و بولوت لار سنی بیرده
باشیما یاغدیریری

باغلانیب حنجره لر

بو نه طوفاندی گلیب

                            شهری آپارسین بو گئجه؟؟؟

                           نئجه جان سیزدی گئجه!!!

بیرجه یئل های سالیری بیرده بولوتلار باغیریر

آغ بولوتلار گوره سن

                  کیمسه نی جاندان چاغیریر

توز باسان شهره نه اولموش

کی یاغیشلار سو    سَپیر؟

یوللاری یئل سوپورور

بو قوناق کیمدی کی یئر گوی چیخیری قوللوقونا؟

هوپ توتور پنجره لر

آچیلیر حنجره لر

یولدا بیر توز گویه قالخیر

                                          بیر نفر یولدا گلیر!!

دان یئریندن بیر ایشیق               گویلره قالخیر دئیه سن!!

دوغادان گون دوغولور!!

گونشین بیر بولومو      باش اوجالدیب کی باخا!!!!

گونشین گوزلرینه        

                        آغ بولوتلار ییغیشیب        کولگه سالا!!

اَلی آغزیندا گونون

                     دالدا قالیبدیر باخیری!!!

یولدا بیر آت

بو ایشیقدان چیخاراق

سانگی گونش سینه سینی پارچالاییبدیر

ائله یئل تک گلیری هئچ توزونا یئل ده چاتانمیر!!!

بو ایشی یئل ده قاتانمیر!!

چونورم گوز تیکیرم

گئجه نین سون نفسینده

شهریمین دام دوواری قیشقیریری

گون گله جک دیر!!!!!

سوسوب داغلار و سس سیز دیر

ندا ائت قوی اویانسینلار

کی وحی آلسین دلی کونلوم

یارانسین تازه بیر مصحف

و من بیر تازه پیغمبر!!!

جیسمیم قالیب اوزاقدا آمما من یانین دایام

سانکی دومان تکین بورویوب سوزلریم سنی
چن لر تکین گومانلی یاتان اورمانین دایام

اولدوزلاریم منیم آپاریر سجده ظولمته
یوخ چیخماییر گونش ایشیغین سون جانین دایام

یوخدور بیر اینتیظار کی آلیم جننتین باغین
من آدمیله آلمالارین عیصیان نین دایام

سلام!خوش گلیبسیز! باخیشلاریز و نقدلرینیزی گوزله ییرم!!

سالاملار منه باش چکدیینیز اوچون مینت دارام!!

گئچن آی دانیشگاه درس لری اوچون یولداشیملا مزه ره("مزه ره" کؤیشن ده بیتن بیر بیتگی (هالاق) آدی دیر. همده "ارک" سؤزلویونده یئر آدی کیمین یازیلمیشدیر.) (آیدین دان تشکورلر!!) کندینه(صوفیان یولوندا)گئتمیشدیم

بیر اول دبیرستانی اوخویان اوشاق اوچ آی یای واخت قویوب بو تراختورو دوزلدیب گتیردی کی عکس سالام!!!

اوچ آی بیر آغاج کوتویون یونتالاییب ......دا بیلمیرم نه یازیم تکجه باخیشلارینیزی گوزله ییرم!!!

بیر درین یوخودور کی بورالاردان

یاپیشیب آپاریر منی اوزاقا

بلکه ده یوخونو من آپاریرام

هر نه دیر من تکجه بونو بیلمیشم

ایکیمیز گئجه لر سنه چاتیریق!

***

دئییلر سو آیدینلیق دیر!

من گئجه لر آیدینلیقی

موفته سینه گوزلریمدن

یاسدیغیما سپه لیرم!!

هانسی ایگنه هانچی ساپ

هانسی بارماق گوره سن

بئله درین تیکیبدیر

گوزلرینی گوزومه؟؟!

&

نه اولار بیر دونه لیک

آچاسان یاشماقینی

توکه سن تئل لرینی

توتاسان آی قاباغین

گوی بیله ائی بئله ده

چیخاری یوخدی آیین!!

***

بایرامینیز موتلو و موبارک!

یوز ایل بو ایللردن!!!